Haurrak Gomendioak duen edukia.
Itsasoaren atea
Miren Agur Meabe
1870eko negua. Aitak bapore batean utzi du Elora Duval, Ubarroien Uhartera bidean. Hamahiru urteko neskatxari ama hil zaio eta bizimodu berri bati ekin beharko dio Brigita amonaren basetxean. Lanean ere hasiko da, umezain, Galantenean, eta laster estutuko du harremana bertako Ariane txikiarekin. Baina ez Elora, ez Ariane, ez dira neska arruntak: beste inork igartzen ez dituen mezuak edota gertaerak hautemateko dohaina izanik, bion artean askatuko dute aspaldiko kondaira tragiko baten korapiloa.
+ 9 urte (berdea)
Lurra Pop-Up
Anne Jankeliowitch
Ireki liburua eta barnera zaitez gure planetaren edertasunean! Ikusi Lurra nola sortu zen, zer metamorfosi izan duen eta ingurumenak gaur egun zer erronka dituen; guztia ikuspegi original batekin.
+ 5 urte (gorria)
Xia Tenzinen bidaia
Patxi Zubizarreta
Xia Tenzinek, munduko mendirik altuenetan bizi den munduko gizonik altuenak, ezin du itsasoa ikusi eta ez du aitaren berririk. Horregatik bidaian abiatuko da, eta bidean ekaitz beldurgarriak jasango ditu, eta gobernadore baten maltzurkeria, baina dantzari xarmangarri bat ere ezagutuko du, eta izotz azpiko misterioa... Hauxe duzu Tibeteko mendietatik itsasora arteko haren bidaia: gorabeheratsua, arriskutsua eta, batez ere, miresgarria.
+ 8 urte (berdea)
Titirimari
Xerardo Quintiá Pérez
Atzobezperako erreinuan bizi da Titirimari. Haren amak, Mandolina erreginak, nahiko luke printzesak andereño manerak izan ditzan eta ongi ezkondu dadin. Baina alabak ez ditu amaren amets berak, eta bereak bizi nahi ditu: erreinutik alde egiten du, eta abentura zoragarriak biziko ditu, bidean aurkitzen dituen munstro, hitz asmatzaile eta beste izaki batzuekin. Ezpain gozoko beste printzesa bat ere ezagutuko du…
+ 5 urte (gorria)
Haltzaren muinoa
Anjel Lertxundi Esnal
Argumentua sinplea da: arbola bera mintzo zaigu, bera bizi den muinotik ikusten eta entzuten dituenak kontatuz, landa-ingurune bateko bizimodu lasai, gorabehera gutxikoa. Egun batean, baina, uholde izugarri batek errotik aterako du zuhaitza, eta ibaian behera eraman. Urak, bere herioan, beste hainbat gauzaki eta izaki daramatza, eta haltzak, larriturik eta izuturik, horren guztiaren berri ematen digu, itsasora bidean doazela.
+ 9 urte (berdea)
Joemak eta polasak
Iñigo Astiz, Maite Mutuberria
Nork esan du poesia gauza serioa izan behar duela? Poema liburu honek letrekin, hitzekin, esanahiekin eta soinuekin jolasteko gonbidapena luzatzen dio irakurleari.
Irakurketa aktiboa eskatzen du, idazle eta ilustratzailearekin batera jolastuko du irakurleak. Umorearen bitartez hizkuntzaren eta esanahien inguruan hausnartzeko gonbidapena da. Jolas mota desberdinak eskaintzen dira.
+ 9 urte (berdea)
Martin eta bere itzala
Davide Calì
Album ilustratu honek lagunak izatearen balioa azaleratzen du tonu umoretsuan. Martinek norbait aurkitu du etxeko sukaldean. Nor den galdetu dionean, ezezagunak bere itzala dela erantzun dio. Martinek ez du gustuko itzala lurrean itsatsita ez egotea eta hura desagerrarazten saiatuko da, baina alferrik. Horrelako itzala edukitzearen alderdi positiboaz jabetu denerako, desagertu zaio konpainia. Hurrengo egunean, etxeko komuneko ispiluan beste ezezagun bat azaldu zaio Martini, bere isla.
+ 6 urte (gorria)
Claude eta Morino 1. Madarikazioa
Adrien Albert
Nola ezagutu duten elkar? Oso modu errazean. Gau erdian, Morinok, ohi bezala, karabanako tranpola zabaldu, eta txiza egin du. Baina, oraingo honetan, azpian lurperaturik zegoen eskeleto txiki baten gainera erori da infusioaren txiza, eta eskeletoa esnatu egin da. Claude du izena, kolore berde ederrekoa da, eta lurgaineko bizitzaren xehetasun guztiak jakin nahi ditu, ahaztuak baititu. Morinoren laguna izan nahi du, baina Morinori gogaikarri samarra egingo zaio.
+ 6 urte (gorria) [Komikia]
Azken lanhütarra
Nerea Loiola
Ziur dakit uraren zikloa ezagutzen duzula, guztia prozesu natural baten bitartez gertatzen dela sinetsarazi dizutela. Baina badakizu zer? GE-ZU-RRA. Gezurra da kontatu dizuten hori, edo ez da egia osoa behintzat. Oraire naiz, laino-gidari bat. Lanhütar bat. Azken lanhütarra. Milioika izan ginen garai batean, baina orain, norbaitek lagundu ezean, desagertu egingo gara betiko…
+ 9 urte (berdea)
Hori bai ipurdia!
Antton Dueso
Gandor gorriko Punki oilartuarekin, ohiko haur-gazte literaturatik at, ikasleei benetan interesgarri zaizkien gaietan murgilduko gara.
+ 9 urte (berdea)
