Ikusezina
Laida Martinez Navarro
«Ismael Arana naiz, hamasei urte ditut, eta batzuetan ikusezina izan nahi nuke, airean desagertu ahal izateko». Beharbada, dagoeneko gehiegi dira halako esaldiak errepikatzen dituzten gazteak. Egoera horri aurre egin gabe jarraituko dugu? Beste aldera begiratuko dugu, guri tokatu ez bazaigu? Benetan? Arazo bat konpontzeko lehen urratsa arazo hori badugula onartzea omen da. Agian, arazo bat duen belaunaldi bat gara.
+ 12 urte (horia)
Tximista eta Txirrista lotsatu egin dira
María Menendez Ponte
Tximista berdez jantzitako iratxoa da; Txirrista, malba-kolorea gustatzen zaion maitagarria. Lagun handiak dira biak eta basoan bizi dira. Gauetan, Tximista eta Txirrista ametsen bila ateratzen dira: maitagarriak tresna berezi batekin harrapatzen ditu ametsak, betiko joan baino lehen. Gau batean, plan zoragarria asmatu dute. Baina, ezusteko ezbeharraren ondorioz, ia hondatu egin da plan hori. Lotsa handia ematen dien zerbait gertatu da... Nola aterako ote dira nahaste horretatik.
+ 5-7 urte (gorria)
Ikusten al duzu nire isatsa
Anita Bijaterbosch
Liburu honetako basoko animaliek buztana soilik erakusten dute hasieran. Isats iletsuak, txiki-txikiak, biribilak... Ba al dakizu zer animalia dagoen hegalaren atzean? Eta kumeak non bizi diren? Ikus ezazu!
+ 0-4 urte ( urdina)
Kinito egunak
Jabi Elortza
16 urteko mutil-kuadrilla bat, Bilbon, 80ko hamarkada amaieran. Parrandak eta neskak dituzte buruan, pozik bizi dira antza, baina axolagabetasun itxura horren azpian urak ez daude horren bare: taldeko baten lepotik barrez ibiltzeko ohitura hartu dute, hura bihurtu dute txantxa eta irain guztien jomuga, eta inork ez daki egoera nondik lehertuko den…
+12 urte (horia)
Musuak baino laburragoak diren ipuinak
Ana Urkiza
Munduko ipuinik laburrenak kontatzen aditua egin zitzaigun aita, eta gure gabon musu guztiak irabazi zituen.
Aitak, xantaia hartatik irabazten atera zela aitortu zigun behin: gure musuek gehiago irauten zutelako bere ipuinek baino.
+ 0 urte (urdina)
Munduari itzulia 80 ipuinetan
José Morán
Eman diezaiogun MUNDUARI ITZULIA 80 IPUINETAN, bost kontinenteetako herri-kontakizun ospetsuenak irakurriz. Ipuin herrikoi hauek gaur egun arte iraun dute, eta milaka urtean zehar aberastu, eta ahoz aho transmititu dira, beranduago idatziz jaso diren arte.
+ 6 urte (gorria)
Saharako itsasoa
Lur Gallastegi
Haizearentzat uda berezia izango da hau: batetik, gurasoak elkarrekin haserre dabiltzala-eta, nor bere aldetik joango dira oporretan, eta bera izeba Eneritzen etxean geratuko da. Bestetik, izeba Eneritzek Saharako lagun batzuen alaba ekarriko du etxera uda-pasa: Souhaila.
Ez da erraza izango Souhaila eta Haizearen arteko harremana, hasieran.
+ 9 urte (berdea)
Aurpegiak
Mohamed Xukri
Aurpegiak da Mohamed Xukriren trilogia ospetsuaren azken nobela. Ogi hutsa lazgarri hartan eta Hutsegiteen garaian bezala, Tangerren elkarrekin topo egiten duten eta bereizten diren pertsonaiak bizi dira azken atal honetan ere. Idazlea ordea ez da pertsona bera.
Neguko argiak
Irati Elorrieta
«Zer esan behar zion?», pentsatu du Añesek Berlineko bere sukaldean Xuanekin batera afaria prestatzen ari dela: «Hildako batekin egin duela azkenengoz larrutan?». Marta etorri da, karaoke bat inprobisatu, eta Pariseko Komuna gogora ekartzen duen kantua abestu du. Eszena eta ahots franko zelatatzen ditu eleberriak, erritmo azkarreko film baten gisan. Añesen eta Martaren ibilbideak zeharkatzen dituzten hainbat pertsonaia badatoz eta badoaz, leihoetan piztu eta itzaltzen diren argiak bezala, irristan. Porrotari, erresistentziari, ihesari edota berriz zerotik hasi beharrari buruzko kontakizunak harilkatuz, leku eta denbora ezberdinetako eszenak proiektatzen dira gizatalde solte baten barne munduan.
Isilpeko Sekretuak
Aritza Bergara
Euskal Herriko elizgizonen artean hilketa segida bat aztoratzen ari da gizartea. Haien arteko lotura bakarra hilotzek anpuntazioak dauzkate. Nor ote da gertaeren arduraduna? Zer dela eta bortizkeria hau guztia?. Iritzi publikoari kosta lain kosta ostentzen saiatu zaion arren, azken hamarkadetan izandako kontu izugarrienetako den...