Gazteak Nobedadeak duen edukia.
Izadia
Garazi Albizua
Gaur arratsaldeko bostetan ez zaitezte kalera atera, ez zaitezte etxean gelditu, ez joan eskolara, ezta lanera ere. Hil egingo zaituztet; egia esan, ez dago gordelekurik. Katixa dut izena eta zuek guztiok, kitu ez zareten horiek, gaur behingoz pairatuko dituzue egon zen politika ustelaren ondorioak.
+14 urte (beltza)
Diario de una muser
Mónica Morán
¡Qué pasada compartir vídeos en Musical.ly y echarnos unas risas con los amigos! Todo empezó así, jugueteando como si nada. Pronto llegaron los likes y los comentarios que animaban a ir a más. Ir sumando seguidores día a día, superar el millón, ganar la corona de Musical.ly... ¡no me lo podía creer! Casi de la noche a la mañana, pasé a ser una chica de lo más normal a entrar en el mundo de los influencers.
+12 urte (beltza)
Urpekariak
Fermin Etxegoien
Aita-semeak Gironako herri turistiko batera joan dira udako oporretan. L’Estartit herrian ostatu hartu eta gertu dauden Meda uharteetara doaz beren urpekaritza bataioa egitera. Itsas bidaiatxoan, ama-alaba batzuk ezagutu dituzte, eta bi gazteen artean begiradak gurutzatzen dira. Jonanentzat zoragarriak izango dira handik aurrerako egunak, eta aita pozik dago semearen bizi-poza ikusita. Baina, bere zoriontasun beteenean, semea ohartzen da aitaren bakardade puntuaz; alai dago aita, bai, baina atsekabetasun igurtzi hori disimulaezina du.
+12 urte (beltza)
Gailur ekaiztsuak
Emily Bronte
Umetatiko lehen amodio bortitz, ero, galgarri, menderaezin baten historia da Gailur Ekaiztsuak. Minbizi bihurtutako bizi-min baten historia. Heathcliff da nobelaren ardatza. Machiavellorekin eta Sadeko Markesarekin lotu izan dute pertsonaia hori. Obsesio baten kontakizuna dugu, beraz, eleberria.
Catherine Earnshawk bazter uzten duenean bere anaiorde Heathcliff –ijitokume bat, aitak Londrestik ekarria eta etxean hazia– Edgar Lintonekin ezkontzeko, Heathcliff urrundu egingo da, baina bi helburu hauek betetzera itzuliko da: Earnshawtarren etxea bereganatu, bere umetako maitearengandik hurbil egoteko, baina, batez ere, jabetzak ematen dion botereaz bere indarra erakusteko.
Amodio destainatu baten istorioa da, beraz, Gailur Ekaiztsuak, baina hori baino gehiago ere aurkituko dugu eleberri honetan: amodio gutxietsiak eragindako mendeku baten kontakizuna, pasio menderaezin batena, baretu ezineko min bizi batena.
Txorizale bat gerran
Carlos Puig Ayestaran
Txoriak maite dituen eta II. Mundu Gerran Pirinioak patruilatzen ari den soldatu inozente eta on huts baten abenturak kontatzen ditu nobela grafikoaren eta komikiaren arteko lan honek. + 12 urte (horia)
Ikusezina
Laida Martinez Navarro
«Ismael Arana naiz, hamasei urte ditut, eta batzuetan ikusezina izan nahi nuke, airean desagertu ahal izateko». Beharbada, dagoeneko gehiegi dira halako esaldiak errepikatzen dituzten gazteak. Egoera horri aurre egin gabe jarraituko dugu? Beste aldera begiratuko dugu, guri tokatu ez bazaigu? Benetan? Arazo bat konpontzeko lehen urratsa arazo hori badugula onartzea omen da. Agian, arazo bat duen belaunaldi bat gara. + 12 urte (horia)
Kinito egunak
Jabi Elortza
16 urteko mutil-kuadrilla bat, Bilbon, 80ko hamarkada amaieran. Parrandak eta neskak dituzte buruan, pozik bizi dira antza, baina axolagabetasun itxura horren azpian urak ez daude horren bare: taldeko baten lepotik barrez ibiltzeko ohitura hartu dute, hura bihurtu dute txantxa eta irain guztien jomuga, eta inork ez daki egoera nondik lehertuko den…
+12 urte (horia)
Isiltasun harrapariak.
Daniel Bautista
Armiarmak arazotan sartzeko ohitura txarra du. Ausartegia da eta, borroka baten ondoren, institututik kanporatu dute. Horregatik parkour izeneko kirol diziplinatsuan ―beti orekan egotea ezinbestekoa den kirolean― babesa aurkituko du. Burugabekeria bat egingo du, eta horrek andre detektibe batekin lan egitera eramango du; hura garai batean neska bezain oldartsua izan zen. Haren ondoan, gezurrez eta itxurakeriaz betetako mundu batean korapilatuko da; sare sozialen alderdirik ilunena dagoen munduan, hain zuzen ere.
Maitasuna zailegia da.
Andrés Guerrero
Maitasunak jotzen gaituenean apurtu egiten gaitu. Loa lapurtzen digu. Baina, ordainetan, munduko bizipozik handiena ematen digu. Mugagabeko itxaropenez eta indarrez betetzen gaitu. Halakoxe erraza da. Eta halakoxe zaila. Batzuetan, zailegia. Eta hortixek sortu dira maitasun kontu hauek. Maitasun kantu xume hauek.
Nojud naiz
Nojud Ali
2008ko azaroaren 10ean, munduko dibortziaturik gazteenak Urteko Emakumearen saria jaso zuen, New Yorken, Glamour amerikar aldizkari femeninoak emana.
Neskatila txikia da Nojud, ez da erregina ezta printzesa ere, guraso batzuk eta neba-arreba asko dituen neskatila arrunt bat baizik. Bere adineko haur guztiek bezala, ezkutaketan jolastea gustatzen zaio eta txokolateak erotu egiten du. Kolore askotako margolanak egitea atsegin du eta uretako dortoka baten antza izatearekin egiten du amets, itsasoa ez duelako inoiz ikusi. Barre egiten duenean, bere ezkerreko masailean halako zulotxo bat ateratzen zaio.