Antolaketa

Txiki-txoko

0-5 urte bitarteko harrentzako txokoa. Ipuinak gelan bertan ikus/irakur ditzakezue, baita bertako liburuak etxera eraman ere.

Sail honetako liburuek gometxa urdina dute.

Gurasoen txokoa

Zalantzak, kezkak, ardurak, zergatiak…

Erantzunak topatzen laguntzeko, jakin mina asetzeko, haur eta gazteen mundua hobeto ezagutzeko. Azken finean, guraso izateko zeregin horretan laguntzeko, atal hau antolatu dugu.

Haur zein nerabeen hazkuntzarekin zer ikusi behar duten liburuak eta ikus-entzunezkoak bildu ditugu hemen.

Ikusiko duzuenez, gaika antolatu ditugu eta gai bakoitzak bere koloretako etiketa eramaten du.

Mintzoan kux-kux

Mintzoan kux-kux (lehen Bularretik Mintzora) haurrengan irakurketa sustatzeko Galtzagorri Elkartearen kanpaina da. Aurrez aukeratzen dituzte horretarako egokiak diren liburuak, eta hautatutako liburu horiek ditugu apal hauetan.

Nobedadeak

Liburutegira iritsi berri diren liburuak mostradorearen ondoko mahaitxoan eta “piruli”an  jartzen ditugu erakusgai.

Lehenengo irakurketak

Irakurtzen ikasten hasten direnean, letra larria duten liburuak dira egokienak haurrentzat, errazagoa egiten zaielako prozesua. Baditugu gisa honetako hainbat bilduma, baita testua bietan (handiz eta txikiz) dutenak ere. Hauek dira horietako batzuk:

• Haurren aurrenak saila
• Irakurri berri-berriro bilduma (letra larriz eta txikiz)
• Irakurtzea erraza da
• Katta
• Lehen irakurleak bilduma (letra larriz eta txikiz)
• Letra magikoa (letra larriz eta txikiz)
• Mendi sorgindua
• Sirena bilduma
• Xatur satorra

Emozioak, sentimenduak eta beste gaiak

Gurasoen aldetik eskaera dezente jasotzen ditugula ikusita, haurrekin gai konkretuak lantzeko ipuinekin aparteko atal bat sortu dugu. Emozioak eta sentimenduak lantzen dituzten bildumak daude bertan (Emozioak bilduma, Sentipuinak...), baita bestelako gaiak ere. Besteak beste, gai hauek aurkituko dituzue bertan:

• Beldurra
• Familiak
• Heriotza
• Haserrea
• Jazarpena
• Nortasuna

Liburuak gaika eta adinaren arabera

Erreferentzia liburuak ditugu batetik, eta fikziokoak bestetik. Azken hauek, gaiaren arabera apaletan sailkatuta ditugu:

• 82-31: errealitatea
• 82-33: abenturak
• 82-34: beldurra
• 82-35: umorea
• 82-36: fantasia
• 82-37: zientzia fikzioa
• 82-38: animaliak

Eta dokumentu denek kolorezko gometxa bana dute, dokumentu hori ze adinetarako egokia den jakiteko (gutxi gorabeherakoa da, noski).

Adinaren arabera gometxak:

• Gorria: 6-8 urte
• Berdea: 9-11 urte
• Horia: 12-14 urte
• Beltza (gazte saila): 14tik aurrera