Haurrak Gomendioak duen edukia.
Z familia
Pep Bruno
Lehen orrialdeetan ezohiko familia bat ikusten da. Rolak aldatuta agertzen dira, baina ez da berdintasun genero irizpideak bultzatuta sortutako beste album bat, ez horixe! Z familia-ko kideek ofizio arraroak dituzte. Eta zein dira lanbide bitxi horiek? Bada... ZIRKUKO langileak dira.
+5 urte (gorria)
Mortina. Barrez lehertzeko moduko istorioa
Barbara Cantini
Mortina neskatoa da, baina ez besteak bezalakoa: neska zonbia da. Villa Dekadenten bizi da izeko Angustias eta beti berarekin dabilen Betilunekin, bizirik edo hilda dagoen jakitea zaila den txakurrarekin batera. Mortinak bere adineko lagunak izan nahiko lituzke, haiekin jolastu eta ondo pasatzeko, baina izekok ez dio uzten besteen aurrean agertzen; izan ere, jendea ikaratuko luke.
+8 urte (berdea)
Etxetxorotarrak
Lur Gallastegi
Lea eta Mattin neba-arrebak aspaldi konturatu ziren familia bitxia osatzen dutela. Aitari sukaldean aritzea gustatzen zaio, eta etxean beti dago janari usaina; amak, ordea, idaztea eta margotzea atsegin du. Goizetan, aitak opilak egiten dizkie egun onak emateko eta amak bertsoak eta olerkiak kantatzen, eskolan ondo pasa dezaten. Etxetxorotarrak dirudite batzuetan. Baina Lea eta Mattin benetan erotuko dituena gurasoen bat-bateko erabakia izango da. Etxeko lanekiko duten jarrera ikusita, aldaketa egitea proposatuko diete: gurasoak eskolara joango dira, eta Lea eta Mattin etxeko lanez arduratuko dira, haien...
+ 8 urte (berdea)
Abere ba: palindromo ilustratuen piztegia
Itziar Aranburu, Jon Ander Garcia
Bazen behin, duela milaka urte, harmonian bizi zen abere-arte zoriontsu eta mutu bat. Bat-batean, aberetxoek bertsoak asmatu zituzten belarrientzako eta abereek abezeak sortu begientzako; astoak hotsak eta atsotitzak amilotsak; hitzak zimitzak eta izkirak hizkiak; beleak ele berriak eta harrak ele zaharrak...
+ 9 urte (berdea)
Los diarios de Cereza
Joris Chamblain eta Aurélie Neyret
Idazlea izatea amesten duen 10 urteko neskatila da Cereza, «Los diarios de Cereza» bildumako protagonista. Komiki-liburu hauek arrakasta handia izan dute Frantzian, eta hemen ere oso gustura irakurtzen diren istorioak dira.
+8 urte (berdea)
Gunteren alegiak
#
Impact Hub Donostiak eta Gipuzkoako Foru Aldundiak “Gunterren Alegiak” izeneko liburua argitaratu dute. Honetan, ekonomia zirkularra haurrei gerturatzeko Gunter Paulik sortutako fabula ospetsuak lehen aldiz euskarara itzuli eta gure lurraldera egokitu dira, eduki zein irudi aldetik, “Behin batean, ekonomia zirkularra”, proiektuaren barruan.
+ 8 urte (berdea)
Jainko jainkosen lasterketa
Mikel Valverde
Zoe eta bere txirrindulari taldeko guztiak etsita eta burumakur daude, ez baitituzte onartzen lasterketa bakar batean ere, eta, horren ondorioz, ezin dituzte lortu lehiatzen jarraitzeko beharrezkoak dituzten puntuak. Esperantza galtzear daudela, gonbidapen bat iritsi zaie Atenastik: Zeusen mirakulua! Zoek Jainko-Jainkosen lasterketa mitikoan parte hartuko du. Ehun urte dira Antzinako Greziako jainko-jainkosen eta mitoen omenezko proba hori egiten ez dela.
+ 8 urte (berdea)
Astindu gorputzak
Ana Jaka Garcia
Gu gara marimatrakak, iji eta aja, barre eta zalaparta, neska pare aparta. Zazpi-zortzi urteko neska-mutilei zuzendutako bilduma da. Askatasunean eta aurreiritzirik gabeko haurtzaroaren aldarrikapena egingo dute neska alai, bihurri eta jakingura pareak. Noak eta Leak gogora ekarriko digute hazteak berarekin dakartzan pozak. Bizitza jolasa ere badela gogorarazi nahi digute helduoi.
+8 urte (berdea)
Super Patata
Artur Laperla
Azken aldi honetan komikien eskaintza zabaltzen ari da haur, gazte eta helduen literaturan, eta liburutegiko irakurleek gero eta gehiago irakurtzen duzuen generoa da.
Super Patataren bildumak arrakasta dauka gaztetxoenen artean. Superheroi honen abenturak oraindik ezagutzen ez badituzu, hainbat ale dauzkagu liburutegian.
+5 urte (gorria)
Adur eta Izar Amalurra zaintzen
Aritza Bergara
Abentura berri honetan Adur eta Izarrek Amalurra zaintzea zein garrantzitsua den ikasiko dute. Amamaren baserriko ganbaran topatuko duten liburu magikoaren bitartez, bidaia zoragarria egingo dute Amalurra zabaltzeko sei elementuen bila. Gugatik… etorriko diren neska.mutilengatik… Amalurra zaintzen
+ 5 urte (gorria)