Gomendioak

El baile de las locas

El baile de las locas

Victoria Mas

Estamos en París en marzo de 1885. Como cada año para la Media Cuaresma, se celebra el popular «baile de las locas» en el hospital de la Salpêtrière, dirigido por el eminente neurólogo profesor Charcot. Durante una noche, la flor y nata de París disfruta al ritmo de valses y polcas en compañía de las internas, disfrazadas con extravagantes atuendos. Entre las pacientes destacan Louise, una joven epiléptica maltratada por su tío que tiene puestas todas sus ilusiones en un futuro matrimonio con un interno del centro, y la rebelde y visionaria Eugénie, una muchacha de buena familia encerrada sin contemplaciones por su propio padre.

Liburutegi hauetan

Zerak

Zerak

Yolanda Arrieta

Fantasiari beldurra diogula zioen Bruno Bettelheimek; esanahi esplizituetara jotzeko arriskuaz ohartarazten zigun: «Literaturak ez dio begiratzen gertaerari berari, baizik eta gertatzearen desioari». Literaturak eskaintzen dizkigun fantasia eta pentsamendu magikoa erabili ditut, bada, barruko zerak azalerazteko. 

+ 14 urte (beltza)

Liburutegi hauetan

Azken dantza New Yorken

Azken dantza New Yorken

Lur Gallastegi

Gasteiz, Bilbo eta New York dira hamahiru urteko Ingeren bizitzan pausaleku izan diren hiriak. Gasteizen jaio zen, Bilbora aldatu behar izan du familiarekin aita hil eta gero, eta New Yorken bere burua ezagutu eta aurrenekoz maiteminduko da. Dantza lehiaketa irabazi ondoren joango da Inge New Yorkera ikastaro bat egitera. Maleta ilusioz gainezka eramateaz gain, amak bere liburuxka bat eramaten utziko dio. Irakurriz ezagutuko du txikitatik ezkutatu izan dioten aita-amaren bizitzako pasarterik gogorrenetako bat: gaztetan, amak poliziak atxilotu eta torturatu egin zuen.

+ 12 urte (horia)

Liburutegi hauetan

Hormak

Hormak

Oihana Iguaran

Institutuko sarrerako horman LEA PUTA idatzita aurkitu dute ikasleek, eta ikusi orduko, azpijanean hasi dira guztiak Leak halako mezua jasotzeko zein arrazoi ote dauden jakiteko. Pintadak, halere, ikaskideen artean dauden beste hamaika horma jarriko ditu agerian.
Denok ditugu iraintzen gaituzten hormak, esamoldeak eta jarrerak. Eskolako hormak batzuentzat ate zabalak dira, beste batzuentzat egunero gainditu beharreko hesiak.

+ 14 urte (beltza)

Liburutegi hauetan

Etxetik Ameriketara

Etxetik Ameriketara

Enara Garmendia

Maiak Euskal Herria utzi eta urtebeteko abentura hasi du Ameriketako Estatu Batuetan. Dena ongi doa, baina halako batean gelakide batek begitan hartu, eta beste kide guztiak aurka jarri zaizkio. Ayla estatubatuarra da, eta Maia ezagutu bezain laster bihurtu da honen lagun. Baina zer egin bere lagun minetako batek Maiarekin hitz egitea debekatu dionean? Betiko lagunak alde batera utzi eta Maiaren alde jarri ala injustiziari aurre egingo dio?

+ 12 urte (horia)

Liburutegi hauetan

Basoan barna

Basoan barna

Ainara Azpiazu Aduriz

Gaztetan ehiztaria izan ondoren, zahartutakoan, argazkilari bihurtutako aitonaren eta bilobaren istorio da hau, xume bezain dotore kontatuta. Basoak eta bertako bizitzak erakarrita, aitonaren eskutik naturaren lilura ezagutuko du neskatxak.

+ 5 urte (gorria)

Liburutegi hauetan

Aitonaren lo-kanta

Aitonaren lo-kanta

Juan Kruz Igerabide, Maite Gurrutxaga

Badator haurtxoa, aitona bertso-jario... Kanta bat jaiotzeari, maitasun samurrari, bizi berriari, izarren kulunkari eta sehaska-kantari, egurats eme batean murgildurik. Aiton-amona eta biloba izatearen bizipen unibertsalaz gozatzeko liburua.

0-5 urte (urdina)

Liburutegi hauetan

Barruko hotsak eta beste soinu txiki batzuk

Barruko hotsak eta beste soinu txiki batzuk

Leire Bilbao, Maite Mutuberria

Liburu honek jarraipena ematen dio "Piztipoemak" eta "Xomorropoemak" (Euskadi Saria 2017) liburuek haur-poesian irekitako bideari. Orduan, piztiak eta zomorroak ziren olerkien protagonistak. Honetan, inguratzen gaituzten eguneroko soinuak dira. Esnatzen garenetik lokartzen garen arte, gure inguruan hamaika eta bat soinu daude. Esnatzen garenetik lokartzen garen arte, musika sortzen etengabe. 

+ 8 urte (berdea)

Liburutegi hauetan

Txomin Txapel

Txomin Txapel

Pello Añorga

Txomin Txapel oso pailazo ezaguna da, dotorea, guztiz atsegina. Txapela buruan jantzita ibiltzen da beti. Haur guztiek asko maite dute, beren familiakoa balitz bezala. Denek diote bizipoza sortzen duela. Baina, halako batean, kezkatzen hasi da: “Txapelik gabe, akaso, ez naiz inor”.

+ 5 urte (gorria)

Liburutegi hauetan

Mamuak eta bihotzak

Mamuak eta bihotzak

Arrate Egaña

Kalera atera ezinik, Klarisa bere haurtzaroa gogoratzen hasi da. Bihotzeko gaitz batek markatu zion garai hura, baina ez zion eragotzi Parisko kanpoaldeko ospitale zahar bateko korridoreetan zebilen mamuaren misterioa ikertzea. Aldi berean, Klarisaren etxean bertan gertatzen ari diren gorabehera estrainio eta enigmatikoek desafio egingo diote K taldearen trebetasunari. Abentura bikoitz liluragarri honetan tartekatzen eta biltzen dira, batetik beldurra, haserrea eta drama, eta bestetik umorea, adiskidetasuna eta baita maitasuna ere

+ 8 urte (berdea)

Liburutegi hauetan