Haurrak Nobedadeak duen edukia.
Lorerik gorriena
Itziar Otegi. Sandra Garayoa
«Lorerik Gorriena» ipuin klasiko batetik abiatzen da, oinordetzan jasotzen ditugun beldurrei eta marra gorriei buruz aritzeko. Istorio honetako protagonistak erabaki beharko du etxean geratuko den edo, aitzitik, basoan sartu eta otsoari aurre egingo dion. Beldurra gainditu eta nork bere bidea hartzeko gonbita egiten du ipuin honek.
+ 5 urte (gorria)
Birusak:Zer ote? Zer ote?
Mariona Tolosa Sisteré
Adi, hemen naiz: min duzu sabelean, eztula arian, kopeta su gorrian... Zer ote, zer ote?
Birusak nonahi daude: sudur puntatik hasi eta ozeanoaren hondoraino. Itzelezko ahalmena dute, eta, ospe txarra izan arren, gehienek ez gaituzte gaixotzen.
Zatoz birusen mundu miresgarrira, eta nahi beste eta gehiago ikasi izaki ñimiño eta bihurri hauei buruz.
+ 5 urte (gorria)
Gau beltza eta ahanzturaren pasabidea
Lur Gallastegi
Posible al da hildakoen mundua ezagutzea? Eta hildakoak bizidunen mundura igarotzea? Ongi etorri urteko gaurik beldurgarrienera! Amets eta bere lagunak irrikaz daude beste urte batez Gau Beltza ospatzeko. Baina aurtengoa ezberdina izango da. Hildakoak bizidunen mundura igaro nahian dabiltza. Abentura zirraragarriak biziko dituzte gazte hauek, eta zu bizipen horien lekuko zuzena izango zara.
+ 9 urte (berdea)
Ziberbullying-aren aurka
Alex Hallatt
Udako oporraldi luzearen ostean gertatuko da: BAT taldeko kideek deskubrituko dute haien eskolak ez daukala dirurik eta ez dutela ikasturte berrirako irekiko. Hasieran, poztu egingo dira, baina zorionak ez die askorik iraungo, konturatu baitira eskola ezberdinetara joango direla handik aurrera. Hasieran, telefonoei esker eutsiko diote elkarren arteko harremanari. Gero, ordea, mezu beldurgarriak iritsiko dira.
+ 9 urte (berdea )
Bullying-aren aurkako taldea
Alex Hallett
Liburuaren amaieran bullyingaren inguruko hainbat aholku emango zaizkio irakurleari, baldin eta bullyinga jasaten ari bada, ziberbullyinga egiten ari bazaizkio sarean edo telefonoan, edota beste bati bullyinga egiten ari zaizkiola ikusiz gero.
Daveren taldearengandik bullyinga jasaten hasitakoan, Jake, Ravi eta Tobyk talde bat sortuko dute. BullyIng-aren Aurkako Taldea. Ruthek taldean sartzeko gonbita jasoko du, baina ez du nahi izango taldeko partaide izan… bullyinga jasan arte.
+ 9 urte ( berdea )
Hankazikin
Pablo Barrio Ramirez
Hankazikin hil egin da eta Herioarekin egin du topo. Arraioa, ez zen hori umearen asmoa! Zer egin? Maite dituenen memorian bizirik jarraitzeko, bere bizitzaren pasarte batzuk antzeztea proposatuko dio Herioak. Erronkari aurre egingo dio Hankazikinek, baita ausart aurre egin ere...
+ 9 urte (berdea)
Argalas
Txabi Arnal Gil
Bi eguzkik argitu zuten egun hura. Lehenak, handiak eta ederrak, zeruertza laranjaz koloreztatu zuen. Bigarrena, txikia eta samurra, Argalasen belarri artean agertu eta inguruan ibili zitzaion jira eta bira.
+ 5 urte (gorria)
Zuhaitz bat
Rodrigo Mattioli
Alinak zuhaitz bat landatzea erabaki zuen, eta dena hasi zen aldatzen. Batzuetan erabaki txiki bat nahikoa izaten da inguruan dugun guztia eraldatzeko.
+ 1 urte (urdina)
SOS Benetako munstroak: planetari mehatxuka
Marie G. Rohde
Munstroak dabiltza planetari mehatxuka: zeure buruaren gainean hegan, itsasoaren sakonean adi edota lurpeko estoldetan ezkutatuta. Ekaitzak sortzen dituzte, ibaiak eta lakuak idortzen, animaliak uxatzen. ZABORKONG itzela, KETAKETZA nardagarria, KOIPEDONTE likatsua edo HIRISAURUS geldiezina hain dira izugarriak, horien ondoan zure ohepeko munstroak pelutxe ñoñoak irudituko zaizkizu. Benetako munstroak dira! Soilik ingurugiroaren aldeko heroiek menderatuko dituzte!
+9 urte (berdea)
Ezkutalekua
Susanna Mattiangeli
«Hannah, non zaude?», galdetu du ahots batek. Baina Hannah ez da azaldu. Parkean dago, baina oso lanpetuta dabil, antza. Beldarrak eta makilak bildu, arku bat eta geziak egin, eta hostoz ohe bat eraiki behar du. Zuhaixken sakonean, berarentzako eta Izaki Iletsu Bitxia kidearentzako gordeleku ezkutu bat sortu du. Elkarrekin, suaren gainera makurtu dira, beren mundu txikian murgilduta.
+ 5 urte (gorria)