Web edukia bistaratu

Zer irakurri

Neskak protagonista

Letra larria duten liburuak

Irakurtzen ikasten hasten direnean, letra larria duten liburuak dira egokienak haurrentzat, errazagoa egiten zaielako prozesua. Txiki-txokoan baditugu gisa honetako hainbat bilduma, baita testua bietan (handiz eta txikiz) dutenak ere. Hauek dira horietako batzuk:

Haurren aurrenak saila
Irakurri berri-berriro bilduma (letra larriz eta txikiz)
Irakurtzea erraza da
Katta
Lehen irakurleak bilduma (letra larriz eta txikiz)
Letra magikoa (letra larriz eta txikiz)
Lo que a GUS le gustaria
Pin eta Tito
Sirena bilduma
Sirenatxoak bilduma (letra larriz eta txikiz)

Bildumak

Behin irakurtzen ikasi dutenean, berriz, bilduma hauek gure ustez egokiak dira irakurtzen jarraitu nahi izateko:

Beste kontu bilduma

Ipuin klasiko moldatuak dira, umorezkoak. 6-8 urteko haurrentzat egokiak.

Txanogorritxo eta otso txotxoloa
Errauskineren tronpeta
Hamelingo saxofoi-jotzailea
Orro egiten zuten musikariak
Hiru txerrikume ez oso samur
Lau arrautza errun zituen oiloa
Aladinoren bi jeinuak
Zazpi antxume amorratuta
Bai astuna berunezko soldadutxoa!
Katuaren bota izugarriak

Emozioak bilduma

Ane eta Xabierri gertatzen zaien abentura edo bizipen baten bidez, era askotako emozio eta sentimenduak antzeman, ikasi eta praktikan jartzeko aukera izango dugu.

7-8 urte bitarteko haurrentzat egokiak dira.

Nire lagun ikusezina (Heriotz)
Dragoiaren buztana (Amorrua)
Koloretako izarrak (Alaitasuna)
Hondar zakuak (Tristura)
Super-heroi supersonikoa (Beldurra))
Laino grisa (Kezka)
Ezetz esaten ikasi (Asertibitatea)
Gauzak pentsatu (Oldarkortasuna)
Lasai nagoenean (Lasaitasuna)

Jonasen ipuinak

Ipuinak banaka, edo denak liburu batean bilduta. Bitara dauzkagu liburutegian. Ipuin guztien artean ipuin luze bat osatzen dute, eta ikus dezakegu nolakoa den Jonas, zer bizimodu daraman, zer arazo dituen, nola portatzen den…

Juan Kruz Igerabideren ipuinak dira, 6-8 urtekoentzat interesgarriak.